أبو زعبل

موضوع: أبو زعبل الإثنين أكتوبر 05, 2009 12:46 am

أبو زعبل

يا فايت عأبو زعبل

حاول إنك ما تسأل

لولا ما تبهدلت اليوم

مأكد بكرا بتتبهدل

فتّحلي السجّان الباب

و قلّي اتفضّل يا حبّاب

دفشني لعند الشباب

و سكّر علينا و قفّل

لمّا لجوّا وصّلنا

شافوني و قالوا السجنا

هيدي اليلة في عنّا

برنامج فنّي اتفضّل

رحنا و شفنا البروغرام

محضّر عالأصلي و تمام

زحف و تبطيح و آلام

وجاموقة للما هرول

وقت اللّي برّد هالطقس

خلّونا بلباس السكس

و طلعنا لبرّات الحبس

نرشرش مي و نتبلبل

وقت اللّي ما صفّى حيل

من العقوبة دقنا الويل

قالو الوقت لنص الليل

لولا ما صار و أجّل

رجعنا ع السجن الملعون

وكنّا شي ميت مسجون

نمنا متل المعكرون

من الريحة صرنا نقتل

زربونا خميس و جمعة

و ما كانت حلوة الجمعة

ممنوعة علينا الطلعة

حتّى معانا تكمل

كل نتفة يفوت السجّان

يفتّش لو معنا دخّان

يقلّي وقّف يا فلان

شو في ع الورقة مسجّل

مدّله الورقة بإيدي

عليها كاتب قصيدة

قلّه قراها يا سيدي

يقلّي لأتعلّم أوّل

كنّا مخلوطة من الناس

أشكال و ألوان و أجناس

هيدا مظلوم و حساس

وهيدا أزعر و مأعطل

وهيدا واحد ياحرام

صار بدو يفوت الحمّام

ومن كتر ما صابه زحام

من عالشبّاك تبوّل

و في واحد قاعد موجوع

عم يصرخ و يهرّ دموع

لكن يا خيّي ممنوع

عاستراحة يحصل

يا داخل هذا المكان

صلّي ع النبّي العدنان

ولو فتّ و ما معك جنان

بتطلع من جوّا أهبل

قصّتنا هيدي هيي

ذلّ و أسر الحريّة

صعبة الطلعة يا سيدي

و من الفوتة ما في أسهل

حسام الحدّاد

موضوع: رد: أبو زعبل الإثنين أكتوبر 05, 2009 10:49 am

أبو زعبل : سجن (عربي) في مصر
الجاموقة : الله يعزكم جورة السيان والوسخ وال .........

موضوع: رد: أبو زعبل الإثنين أكتوبر 05, 2009 8:16 pm

/ خجلوا بغوانتنامو /
بسمع عن اساليب التعذيب اللي بهالسجن لدرجة انو شهد بالفترة الاخيرة حالات انتحار متعددة بتثير حولها شبهات بوجود اثار تعذيب ع اجساد الاسرى وفوق هادا كلو عائلات الاسرى وزوجاتهن بيتفتشوا بالكلاب البوليسية اما الصورة داخل السجن واضحة من خلال الموضوع
بتشكرك كتير

موضوع: رد: أبو زعبل الثلاثاء أكتوبر 06, 2009 7:25 pm

أهلين إكرام وشكرا ً لمرورك وإنشالله منفيق شي يوم ما منلاقي هيك سجون.......