منتدى زهر البيلسان .... تعارف ، دردشة ، ثقافة ، رياضة ، تكنولوجيا .... منتدى زهر البيلسان
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

 

منتدى زهر البيلسان      أهلاً وسهلاً بكم في منتدى زهر البيلسان ... تعارف ، دردشة ، ثقافة ، تسلية ، أدب ، رياضة ، فن ، تكنولوجيا  ... زهر البيلسان ... دعوة إلى صفاء الذهن والقلب        منتدى زهر البيلسان
هذا المنتدى برعاية مركز جنى للاتصالات ... سوريا - السلمية - 0944229458 - 0992275919 ..... مركز الماهر للكمبيوتر ... سوريا - السلمية ... 033840585 / 0988213006

زوروا منتدى الماهر للكمبيوتر والتقنيات صديق زهر البيلسان ... بالضغط هنا

 

للإعلان في منتدى زهر البيلسان الاتصال على الأرقام : 00963944229458 - 00963992275919

شاطر | 
 

 مشاكل الدردشة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hosam



عدد المساهمات : 28
تاريخ التسجيل : 25/07/2009
العمر : 33

مُساهمةموضوع: مشاكل الدردشة   الأربعاء نوفمبر 04, 2009 3:18 pm

برب – تيت – باك – ولكم...
تفضلو ع الكام – روم (.......) ترحب بكم...

كلمات اعتدناها في مكان واحد يجمع ما ينوف عن خمسين شخص وما زاد..
الدردشة.. أو ما يسميها العوام شات (وأصل الكلمة باللغة الإفرنجية CHAT).

عالم ساحر.. جذاب.. منمق.. مليء بالعبارات الرنانة.. مفيد.. خطير.. كل هذه الصفات المذكورة تنطبق على الدردشة...
بداية تدخل إلى صفحة الدردشة.. لتجد الجميع يتكلم مع الجميع (متل الحمام المقطوعة ميتو) وهذه هي السلبية رقم واحد للدردشة (حيث أن مجتمع العقلاء يتكلم فيه شخص واحد والباقي يستمع وينصت) ينخرط الكل في تلك الصفحة البيضاء اللماعة يتكلمون مع بعضهم.. منهم الطريف ومنهم العنيف.. منهم الظريف ومنهم من تقول عن لسانه (يا لطيف)..
من خلال تجربة شخصية خضتها داخل هذا الواقع المصغر.. كان لي وجهات نظر وكنت أطرحها وأتبناها وبقوة... ورويداً رويداً بدأت هذه الوجهات تتحول عن الطريق التي سارت فيه لأنني استنتجت العكس نوعاً ماً..
الدردشة كانت بالنسبة لي مكان أرنو إليه ساعات وحدتي لأتعرف على مجتمع يناسبني وأشخاص أتخذهم أخلاء لي.. وفعلاً هكذا كانت البداية... كان لي من صداقة (الإنترنت) نصيب وافر.. وتعرفت على أشخاص قابلتهم على الواقع لأنه كان شعاري الدائم في الدردشة (تحويل الإنترنت إلى واقع ملموس)..
في الآونة الأخيرة انقلب مضمون هذا الشعار الذي تبنيته وبدأت أرسم صفحة سوداء عن الدردشة وللأسف كانت سوداء قتيمة.. ومن خلال خبرتي المتواضعة في الحياة اكتشفت أنك إن تعرفت على أصدقاء عن طريق الإنترنت واتخذتهم أخلاء لك كما ذكرت آنفاً فإنك ستخسرهم في أقرب فرصة... (بالطبع لا أستطيع تعميم القاعدة.. ولكن هذا ما اتضح لي في الأغلب)..
بدأت أمحو الأفكار التي رسمتها عن الدردشة بممحاة خرقت جدار الورقة التي كنت أكتب فيها مذكراتي اليومية عن علاقات الدردشة والتعارف عن طريق الإنترنت.
للأسف مجتمعنا العربي خلق من الدردشة مكاناً لضياع الوقت.. وللتكلم على فلان وعلان.. ولبث الفتن بين الناس وتشويه الصورة التي جهدت لتبقيها ناصعة أمام الجميع.. ولبئس من شوه هذه الصورة.. إنهم أقرب الناس إليك... والسبب: هو ما طرحته في الموضوع الماضي في منتدانا الغالي هذا (النجاح هو اعتداء على الآخرين لأنه يبرز فشلهم)..
وإنني لأقدم نصائح غالية جداً لكل من يفكر في الانخراط في مجتمع الدردشة (والحديث موجه للذكور والإناث على حد سواء):
- إياك أن تثق وثوقاً تاماً بمن تقابلهم على الإنترنت وابقِ حاجزاً شفافاً بين الثقة التامة والثقة شبه التامة..
- حاول أن تكون إنساناً حضارياً ولا تتحول إلى آلة لزج الشتائم في صفحة الدردشة لأنها وسيلة حضارية للتواصل وليست وسيلة لإهانة بعضنا البعض.
- ابحث عن أقرانك بمن يماثلونك في العمر ولا تحاول أن تبحث عن علاقات ذات فرق شاسع.. وذلك للحفاظ على مستوى الأفكار المطروحة بين الطرفين، ولا تنسَ أن المستوى الثقافي يلعب دوراً هاماً في هذه المعرفة.. فإذاً حاول أن يكون المستوى الثقافي أيضاً متقارب حتى تجد نفسك بشكل دائم محتاج لأن تروي نهر ثقافتك من جدول قرينك وتغني بحر قرينك بمحيط معرفتك.


الحب على التشات:
طرحت هذا الموضوع إحدى الزميلات في موقعنا الغالي (حلوة وعاقلة)... وطرحته بأسلوب جيد جداً يجذب قارئه... وأود أن أطرح رأيي في هذا المجال...
الحب على الإنترنت هو مثل الصداقة ومثل أي علاقة على الإنترنت.. مهما طال زمانها ستنتهي (بكبسة زر) لأنه لمن الرائع في علاقة الحب (بالتحديد) أن تلتقي محبوبك وتتبادل معه أطراف الحديث وجهاً لوجه دون (الكام والمايك أو حتى الاتصال على الخليوي).. وهذا ما كنت أفعله في العلاقات التي اخترتها على الإنترنت... منهن طبعاً من وافقن ومنهن من رفضن... لا أريد الإطالة في هذا الموضوع... لأني اكتشفت في النهاية أن موضوع الحب على الإنترنت موضوع عادي جداً ويوازي في أهميته أهمية أي علاقة عادية على الإنترنت لا أكثر.. لأنك مهما تعمقت في أعماق الحب على الإنترنت سيبقى حباً إلكترونياً لن تحصل منه سوى ضياع الوقت.


في النهاية أود أن أقول:
العلاقات على الإنترنت ستبقى علاقات إلكترونية تبنى وتنتهي بسرعة ولن تخرج من إطار هذه الشاشة الفضية
الرجوع الى أعلى الصفحة اذهب الى الأسفل
SOMAR
Admin


عدد المساهمات : 605
تاريخ التسجيل : 15/07/2009
العمر : 32

مُساهمةموضوع: رد: مشاكل الدردشة   الأربعاء نوفمبر 04, 2009 5:44 pm

بكل صراحة وبكل بساطة ... ضحكتي صارت شبر لما قريت هالموضوع حسام ... وقصدي إني فرحت كتير
هاد هوي اللي بدنا ياه ... هاد هوي اللي لازم نتناقش فيه ، لأن هاد الموضوع أحد أسباب إنشاء منتدى زهر البيلسان ، وبرأيي الشخصي موضوع خطير ومطروح للنقاش بشدة
أنا معك بكل كلمة قلتا ... والفكرة الأساسية أنو في كتير مرات بتظبط وبيتعرف الواحد على صبية أو بتتعرف الصبية على شب وبيضلو ورا الشاشة متل ما حكيت ... لكن اذا ما انتقل الموضوع على أرض الواقع ( مع مراعاة الظروف والشروط ) بيضل في نقص
أنا كتجربة شخصية تعرفت على كتير ناس من الدردشة ... وفي منهن معنا هون وبيعرفو حالن ( تحياتي الكن ) والعلاقة مستمرة من زمن والحمدلله انو في منهن كسبتهن بلقاء وفي منهن بحكي معهن كأنهن قدامي
أما بالنسبة للحب عبر الانترنت فهوي موضوع ممكن لكن لما بيصير الانترنت عنا ( فضائي ) ... ههههه
بتشكرك كتير حسام على الموضوع ... اي هاه ... تحركنا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
إن الحياة كلها ... وقفة عز فقط
الرجوع الى أعلى الصفحة اذهب الى الأسفل
http://zahrelbailsan.ahlamontada.net
IKRAM
صديقي المتألق


عدد المساهمات : 245
تاريخ التسجيل : 05/09/2009
العمر : 33
الموقع : انا عصفورة الساحات

مُساهمةموضوع: رد: مشاكل الدردشة   الخميس نوفمبر 05, 2009 5:29 am

ما بعرف كيف بدي اتشكرك حسام موضوع كتير حساس
قال دردشة لازم يكون اسمها ياستار تستر والله شي بيخوف قال من باب الحداثة والتطور صارت العالم ماعم تتهدا
رح بلش بحالي قبل العالم انا من الناس اللي دخلت ع الدردشة وتعرفت ع شخص واحد فقط ومن سلمية وشفتو شخصيا و مع انو الحمدلله نحنا كتير صحبة صدقوني ما بفكر ولا بأي شكل من الاشكال اني ارجع ادخل مرة تانية ع الدردشة للاسباب اكيد اللي ذكرها حسام منها العبارات الطنانة الرنانة والاخلاقية /الحمدلله/ - حمام مقطوعة ميتو واهم شي انو اذا استمرت هالرفقة او الصداقة كم شهر وهادا نادر بدون مصالح مشتركة بكبسة زر بتخسرهن فتخيل شو هالرفقة الرائعة.
اما هدول اللي بيحبو ع الانترنت عنهن سكتة والله بستغرب كيف بيحبو عالم ما بيعرفو / عذرا / قرعة بيها من وين والله مشاعر واحاسيس الكترونية صعبة شوية هلق هالشباب بيضل هو ورفيقتو او قرايبتو مقابيل بعضن وعم يدرسوا سنوااااااات وبالاخير مابيتفاهمو مع بعضن هادا بعد الدراسة امانة كيف عم يحبوا بخمسة عشر يوم ع النت وبيتبادلو كلام الحب والغرام بتقولي بيعرفو بعضن من سنين وبعدين بكبسة زر او خطأ كتابي بيطلع الشب عم يحكي مع شب او العكس وبتنتهي آمال الجوز .
برايي في طرق كتير نتعرف فيها ع اشخاص محترمين ورائعين غير هالطريقة مع انو كتير بيقولو في دردشة محترمة والموقع فلان احسن وهادا محترم وهادا ما بعرف شو
انا ابداً ماني مع الدردشة والتعرف ع اشخاص غريبة وهادا الحكي للبنات اكتر من الشباب

ما تواخذوني طولت عليكن
[b]مشكووووووووووووووووووووووووووور حسااااااااااااااااااااااااااااااااااااام
[/b]
الرجوع الى أعلى الصفحة اذهب الى الأسفل
nirvana



عدد المساهمات : 22
تاريخ التسجيل : 15/10/2009

مُساهمةموضوع: مشاكل الدردشه   السبت نوفمبر 07, 2009 4:11 am

يعطيك العافية حسام... صراحة الموضوع هاد أنا شخصيا بعتبره بصمة فنية في المنتدى وهوأكيد موضوع حساس جدا وغالبا بيكون خطير كتير وهو فيه ايجابيات وسلبيات لكن للأسف الشديد السلبيات هي المسيطرة ع الأغلب في مجتمعنا،أنا حوجز مع انو الكلام عندي كتير كتير
أول شي برأيي انو مدى تفاعل الأشخاص وميولهم واندماجهم واستغلالهم وتعلقهم بغرف الدردشة أو المسنجر بيرجع لطبيعة الشخص والتربية وطريقة التفكير والثقافة أويمكن أحيانا الظروف، يمكن في أشخاص بيستغلوه بطريقة ايجابية بس للأسف الأغلب ما عم يستغلو الايجابيات وغرقان في سخافات وتفاهات هالموضوع وسلبياتو وبعيد عن ايجابياتو ما بعرف من باب التسليه والترفيه ولا شو الغرض. (طبعاهاد دليل قوة ثقافتنا)
وقناعاتي انا ما لازم نعطي الموضوع كتير أهمية لأنو كل شي بيزيد عن حدو بينقلب ضدو"

وبالنسبة الي رغم علاقتي القوية بالانترنت بس بعيدة شوي عن موضوع التعارف والدردشة من زمن وحقيقي ما بحبذها ولا بقتنع فيها كتير بس ما بنكر في البداية حبيت أجربها يمكن من باب العلم بالشيء وأحيانا أخدت جزء من اهتماماتي بس الحمد لله لفترة قصيرة (لأنوالموضوع كان باين من عنوانو) تعرفت على بعض الأشخاص موهالعدد الكبير بس للأسف تعرضت للاهانات الغريبة العجيبة بعدها اقتنعت انو الموضوع ما لازم يمثللي أي أهمية "حتى بايجابياته كمان"، مع اني بنفس الوقت صار وتعرفت على أشخاص أقلة جدا ما آذوني والحمد لله إنهم اقلة ولهلأ حقيقي ما بعرف شو أعتبرها صدفة حلوة ولا حسن حظ والبعض منهم هلأ نوعا ما مقربين وبعتبرهم أصدقاء وبكنلهم كل الاحترام لأنهم صراحة مصممين ومصمصمين إني أحترمهم والحقيقة بتمنى ألتقي فيهم، ومع كل هاد بردو مقتنعة انو صداقات الانترنت لا تقارن بصداقات الواقع وبعتبرها ع الأغلب حبرعلى ورق وبتبقى صداقات الواقع أفضل وأقوى بكتير وفيها ثقة أكبر(يمكن احيانا في اشخاص بتقدر تكسبك بطريقتها بس نادر جدا وأندر والأندر)هههههه ... بتمنى تستوعبوني في هالنقطة بالذات

أما بالنسبة لموضوع العلاقات العاطفية والنت باختصار بقول المفروض المشاعر الحقيقية تكون مبنية على أرض الواقع مو الخيال وتكون شي محسوس وملموس ما فيها حواجز ولا مسافات وإلا بتكون أوهام مو حب وعواطف (أبدا مومقنعة قد ما تزبط)

خلاصة الكلام انشالله يكونلنا دورأساسي وفعال في المنتدى للعمل على التوعية ضد سلبيات هالموضوع على قد ما بنقدر لحتى نرتقي بهالمجتمع شوي
سامحوني بعرف طولت عليكو بالحكي

أحلى وأرق تحية لإدارة المنتدى
الرجوع الى أعلى الصفحة اذهب الى الأسفل
 
مشاكل الدردشة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى زهر البيلسان  :: ملتقى الأعضاء :: قاعة الاجتماعات-
انتقل الى: