من روائع مظفر النواب

منو مثلي حزن شاف
منو مثلي صحى من السكر وتورد وشفاف
حبيبي الحلو وردة بكاس ينشاف
وأنا بين الخمر والماي لحظة سكر
وألحان والحظرة والأطياف
رنم يا وتر وانثر علي وخليني بالأنس
طرب والليل ما يخلص نجم للقاع ينزل رقص
ارقص وانحني للقاع
بيني وبين الله طرف قوس
حبيبي يا عراق
يا باب الخليقة ويا ماي الحياة
يا أول محبة بقلوب البنات
ياخدني عبيرك وبكل وردة بات
ياخدني حنينك وبكل حسرة بات
أحلف بالفرات وبماي الزلال
وبنخلة حزينة تلمني جواك
عين الما تشوفك ما شافت حياة
يا شمس الشموس ضوت على بابل
يا سوار العروس مشذر بالسنابل
كان اسمك محبة ومن كبرت عراق
ولو غمضت عيني بالنوم أنا اشتاق
ترحل ألف دنيا ويخلص ألف ظالم
وتظل يا عراق
أول وردة طلعت عالدنيا بترابك
وأول غنوة تغنت من شفة حبابك
يا أول حبيب
ويا آخر حبيب
ساعات المودة وساعات الحنين
ومن يصفى لدهري أتمنى العراق
تخلص ألف دنيا ويرحل ألف ظالم وتظل يا عراق

طوبى لك من مظفر
وطوبى لك عراق

وطوبى لمن دون من روائع جيفارا . هل هكذا يلفظ اسمك اخي
ريحانة القلوب