سؤال على الماشي

هل دخل المنتدى بالسبات الشتوي شو مال الاعضاء متكسلين ليش المنتدى صاير هيك باردة وجامد منتدانا اسمو زهرة البيلسان وزهرة البلسان زهرة مجنونة وبتتحرك كتير شومالنا
الي عندو مشكلة يفضفض والمهموم نحنا هون اخواتو والي مبسوط وفرحان لحنا منفرح معوا
والي عندو شغل يخصص وقت لاسرتو بالمنتدى
خلينا نرجع متل الاول ونشوف مشاركات الاعضاء الجديدة ونحرك حالنا شوي صعبة شي

مشكورة أم السوس على غيرتك على المنتدى
أنا ناطر حتى الكل يخلص امتحانات ، ومن كم يوم بعتت تنبيهات للأعضاء اللي ما دخلوا من فترة ، يعني تحركشت فيهن ، بس أكيد ما فيني أجبر العضو انو يدخل ويشارك
نحنا هون ، ورح نضل هون ، وباب المنتدى مفتوح للجميع أكيد وما منقول الا هاد المنتدى منكم والكم
تحياتي الك أم السوس ، وان شاء الله الحركة رح ترجع مع حلول الربيع ، لما بيزهر البيلسان

م

رحبا اول شي
يا ام السوس عنجد مافينا نجبر حدا يدخل او يعلق اذا مو الواحد منو لحالو فات وشارك نحنا ما بدنا مشاركة اعضاء بعد ما نجبرهن يدخلو
صدقيني وانا قايلة هالحكي قبل هالمرة عضو او تنين فعالين احسن من مية
وما شالله عليكي لحالك محركة المنتدى

السلام عليكم كيف الجميع ان شاء الله بخير؟
الكلام اللي حكتو ام السوس صح بس لو يعني ام السوس لما انا بحط مواضيع وما بلاقي ردود وبفوت كل مرة مشان شوف ازا الموضوع عجب الاعضاء او لأ، ومع ذلك ما بلاقي اي تفاااااااااعل
ومشان هالاشي انا كمان صار عندي احباط وبطلت ااقدم مواضيع لانو ما عاد اعرف شو بيعجب الأعضاء و ما بقدر اجبرهم يفوتو غصبن عنهم عالمواضيع اللي بحطها ويردو عليها

وصرت أحاول احط مواضيع فيها تفاعل مع الاعضاء يعني يكون فيها ردود ومشاركة أسئللة وأجوبة بس للأسف ما لقيت اي ردود وحتى المشاهدات كانت قليلة
يعني بجد وقتها الواحد ببطل يعرف شو بدهم الأعضاء وبصير يفكر انو هوة ما بيعرف شو بيرغبو الاعضاء وشولازم يقدم
بالأخير ما منقدر نجبر حدا على أي اشي انو يفوتو ويشاركو
وملحوظة اخيرة: كل مرة بفوت بلاقي انو اعضاء جديدن اشتركو جديد بس ما بلاقيهم بفوتو ابدا بس بدي اعرف لشو التسجيل ازا عالفاضي هيك؟؟؟؟؟؟؟؟؟؟؟؟؟؟؟؟؟؟؟؟؟
اعذروني ازا كان كلامي صريح كتير

» 20 سؤال غبي