منتدى زهر البيلسان .... تعارف ، دردشة ، ثقافة ، رياضة ، تكنولوجيا .... منتدى زهر البيلسان
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

 

منتدى زهر البيلسان      أهلاً وسهلاً بكم في منتدى زهر البيلسان ... تعارف ، دردشة ، ثقافة ، تسلية ، أدب ، رياضة ، فن ، تكنولوجيا  ... زهر البيلسان ... دعوة إلى صفاء الذهن والقلب        منتدى زهر البيلسان
هذا المنتدى برعاية مركز جنى للاتصالات ... سوريا - السلمية - 0944229458 - 0992275919 ..... مركز الماهر للكمبيوتر ... سوريا - السلمية ... 033840585 / 0988213006

زوروا منتدى الماهر للكمبيوتر والتقنيات صديق زهر البيلسان ... بالضغط هنا

 

للإعلان في منتدى زهر البيلسان الاتصال على الأرقام : 00963944229458 - 00963992275919

شاطر | 
 

 مفردات وامثال شامية لازم تكون حافظها .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسماعيل
صديقي النشيط


عدد المساهمات : 108
تاريخ التسجيل : 17/10/2009

مُساهمةموضوع: مفردات وامثال شامية لازم تكون حافظها .   الخميس مارس 04, 2010 1:47 am

مفردات وامثال شامية لازم تكون حافظها لما تنزل على الشام خال

[ندعوك للتسجيل في المنتدى أو التعريف بنفسك لمعاينة هذه الصورة] .

شاضومة
تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنّ ه
(إنظر الشرح في تفسير مصطلح شاضومه )

ملحو على ديلو
يعني لا يقيم وزناً للعشرة والخبز والملح

يلي ببلي بالك
كناية عن أمر يتعذر ذكره

معصمص
نحيل بارز العظام صغيرها

يا إيدكم!
تعبير عن الهرب من شيء ما بسرعة

زمق
أي هرب ببراعة وحذق، وزمط شرحو

سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

حط بالخرج
أي لا تعبأ بما يقال

على قفا مين يشيل
كناية عن كثرة الشيء وشيوعه و(قابر القنى) مثلها

مأنّف
يعني لا يعجبه العجب ولا الصيام برجب

فش نيعو
يعني انتقم منه شر انتقام وهي بالحلبي: يفشر حنكو

أزّت نفسو
أي نفر من الشيء نفوراً كأنه رأى صرصوراً

جفص
صفة للجلف غليظ الروح

حنتر
أي "تيّس" و"بوزم" في الوقت نفسه

طلع من عيونو عامص
يعني دفع ثمناً غالياً وندم على ما نال

كل طلقة براحة
أي يقوم بالشيء رويداً رويداً بين الفينة والأخرى

يلي بدو يموت يوصّيك بولادو
ذم بصيغة المدح يعني أن المذكور غير أهل لحمل المسؤولية

على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام

لا تكرّك عليه
يعني لا تلح عليه إصراراً

قلبه عميقول حق بق (كما قلنا أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً ( مشان ما يزعل سيبويه)

لحم السير عالقبقاب وصاروا المبغضين صحاب
مبينه وما بدها شرح

يلي بيجي منمدلّه فرشة ويلي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً

شو هالتجرة
يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح (كمان مشان سيبويه الله يرحموا)

وحياة خالقك ماني مفارقك
تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك

العين الطرّاءة
عبارة عن التمسخر على المتكلم عنه وأن لا شيء فيه بينحسد عليه

بيقطش وبيلحش
يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

كـــــــن
بكسر الكاف وتسكين النون يعني اهدأ أحسنلك

كروج
يعني درمل، وبتعبير أفصح افرنقع من هنا، وادحال مثلها

فــز
كمان بكسر الفاء يعني قوم (أوقف وانت بتكلمني)

جماش
أي همجٌ رعاع مستجحشون

مصطهج
يعني مسلطن، مكيّف، مبسوط أو كما قال سيبويه: منتشي

أفّّعت معو
يعني حمل القشة التي قصمت ظهر البعير وبلغ السيل الذبى

مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

لاطيلو
يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول تنين ناويين عالشر لبعض وكل واحد منتبه للتاني بس بدون

كبريته ليشعلو

ادفشو وشوف ما أجحشو
الرجوع الى أعلى الصفحة اذهب الى الأسفل
SOMAR
Admin


عدد المساهمات : 605
تاريخ التسجيل : 15/07/2009
العمر : 32

مُساهمةموضوع: رد: مفردات وامثال شامية لازم تكون حافظها .   السبت مارس 20, 2010 5:59 am

مشكووووووووووووووور سمعو
هههههههههه
والله هالقاموس مطلوب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
إن الحياة كلها ... وقفة عز فقط
الرجوع الى أعلى الصفحة اذهب الى الأسفل
http://zahrelbailsan.ahlamontada.net
 
مفردات وامثال شامية لازم تكون حافظها .
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى زهر البيلسان  :: القسم الثقافي :: تعرف على سوريا-
انتقل الى: