الصداقة بين الشب والبنت

عدد المساهمات : 16 تاريخ التسجيل : 13/08/2009

بتمنى من الكل يشارك بهالموضوع
ياترى كيف بدنا نورجي الصورة الحقيقية للصداقة بين الشب والبنت بمجتمعنا ؟
أنا بعتبر هالشي مشكلة اجتماعية
ناطرة المشاركات والردود

موضوعك مطروح للنقاش هلوش
أنا حالياً بفضل اسمع رأي البقية
وبعدين بعطي رأيي
شكراً الك على هاللفتة

زائر

صراحة .. احنا بمجتمع متحفظ .. يمنع هالشي .. بعدين .. بالنسبة لي .. ما في شي اسمه [ صداقة ] ..بين الشب و البنت .. لان الصداقة يومآ ما .. بتتطوور لعلاقة .. لا يحمد عقباها ..

عشان هالشي .. انا ابدآ ما بنصح بالصداقة .. بين الطرفين ..
لان بالنهاية .. 50% .. من العلاقات .. تبوء بالفشل ..

فليش من الاول .. نوقع نفسنا بشي .. نهايته شبه متعارفة ..

يعطيكـِ الف الف عآفية .. على هالطرح الاكثر من رآئــع ...

و هي تعتبر مشكلة اجتماعية .. يعاني منها العالم اجمع .. و حلها يعتمد على الشخص نفسه .. و على طريقة تفكيره ..
يسلمووو ايدك على هالمووضوع النقاشي الساخن ..

و اعتذر عن الاطالة ..
..~~..

آسوآر ( اسمك صعب ) بشكرك على المساهمة
وجهة نظرك مفهومة وبتمنى من البقية يعطونا رأيهن
بدنا نتناقش بهالموضوع الحساس

زائر

تحياتي للجميع ولكل المشاريكين بهالموضوع
وانا من وجهة نظري انو ما في اشي اسمو صداقة بين بنت وشب
اولا: لأنو ازا كانت البنت او الشب بدهم صديق يشاركهم همومهم ومشاعرهم، فرحهم وسعادتهم بتصور انو في كتير من الناس اللي بكون عندهم صديق من نفس الجنس (يعني الانثى صديقة لأنثى والذكر صديق لذكر)
وبكونو كتير مبسوطين بهالصداقة والكل بشارك الآخر همومه ومشاعرو
اما ثانيا:انا بعرف انو الصداقة بين الشب والبنت محرمة شرعا والله اعلم يا اخوان
وثالثا:بعد تحريم الاسلام لهي الصداقة كمان عاداتنا وتقاليدنا الاصلية واللي نسيوها كتير من الناس انا بشوف انو هية كمان بتمنع مصاحبة الرجل والمرأة بدون داعي وبدون اسباب
بغض النظر عن التغيرات اللي طرقت على حياتنا بسبب دخول عادات وتقاليد المجتمعات الغربية علينا
واخيرا انا بحييكم على هاد الموضوع وان شاء الله الكل بيشارك فيه بس بتصور انا مع اسوار باللي حكتو وبنتمنى الناس تقتنع بكلامنا وينضم لصوتنا
وياريت ما حدا يدايق من كلامي او يزعل لأنو مجرد موضوع قابل للنقاش والواحد بينتقد افكار الشخص مش شخصيتو
تقبلو مروري
ملااااااااااك الحوت

مرحبا للجميع

أنا عضو جديد بالمنتدى ولما دخلت لفت نظري الموضوع فوراً وحبيت شارك

بداية قبل ما أدخل بموضوع / صداقة الشب والبنت / , الصداقة متل ما منعرف كلنا كلمة أبداً مو سهلة و الصديق بهالأيام نادر الوجود سواءً بنت أو شب وكتير بدنا وقت ومواقف ننوضع فيها حتى يبين معنا الصديق /ة الحقيقيين هدول من نفس الجنس فما بالكن اذا كانوا شب وبنت يالطيف ألطف وبيبلش الحكي هلق عنجد في صداقة حقيقية بين الشب والبنت ؟؟؟؟!!!!!!/ هادا حسب مجتمعنا /

أما أنا اسمحولي بوجهة نظري المختلفة شوي , بالنسبة لصداقة الشب والبنت , ممكن ماا تكون مشكلة إجتماعية بالعكس ممكن تكون صداقة كتير مميزة خاصة إذا كانت مبنية ع اساسين قويينالصدق والاحترام المتبادلان .

صدقوني المشكلة مو اجتماعية المشكلة فينا نحنا . نكون شوي صادقين ومحترمين ومانتجاوز الحدود مع بعض مارح نخاف من المجتمع ولا غيرو مهما كانت العلاقة .

بتمنى قبول مروري .

أكيد بيسعدنا مرورك إكرام ومبروك مساهمتك الأولى
وأكيد رأيك ووجهة نظرك منحترمهن وأنا مبسوط أنو صار عنا وجهتي نظر مختلفتين حتى نزيد الموضوع إغناء
أهلا وسهلا وشكراً الك
ناطرين البقية يعطونا رأيهن

عدد المساهمات : 16 تاريخ التسجيل : 13/08/2009

شكراً لمرورك إكرام وأهلا وسهلا فيكي بيناتنا
وجهة نظرك قريبة من وجهة نظري ... ونفس الكلام يمكن كنت بدي قولو
أنا فيني احكي عن تجاربي الخاصة اني اكتشفت انو في صداقة حقيقية بين الشب والبنت ممكن تنشأ اذا انطلقت على أسس صحيحة متل ما قلتي ( الاحترام - الصدق - الصراحة )
وأكيد المجتمع والبيئة الها أثرها وتأثيرها على هالموضوع وعلى الرأي حولو
ناطرة بقية الآراء لحتى نطلع ببيان مشترك ... ههههه

» ياهيك الصداقة يا بلا